Ілья Данілавіч Гурскі
У Вікіпедыі ёсць артыкулы пра іншых асоб з прозвішчам Гурскі.
Ілья Данілавіч Гурскі (26 красавіка 1899 — 11 жніўня 1972) — беларускі пісьменнік, заслужаны дзеяч культуры БССР (1969).
Біяграфія
Нарадзіўся ў сялянскай сям’і ў вёсцы Замосце Уздзенскага раёна. У 1935—1941 — рэдактар газеты «Літаратура і мастацтва». У гады Вялікай Айчыннай вайны — рэдактар газеты «За свабодную Беларусь» і сатырычнага лістка «Партызанская дубінка». Узначальваў часопіс «Беларусь» (1944—1960). Памёр у 1972 годзе.
Творчасць
Аўтар раманаў «У агні», «Вецер стагоддзя», «Чужы хлеб» і інш. Перакладаў на беларускую мову Максіма Горкага, Антона Чэхава, Марка Твэна.
Ушанаванне памяці
Імем Ільі Гурскага названая вуліца ў Мінску.