Аляксандр Тышынскі
У Вікіпедыі ёсць артыкулы пра іншых асоб з прозвішчам Тышынскі. Аляксандр Тышы́нскі (польск.: Aleksander Tyszyński; 21 мая 1811, г. Санкт-Пецярбург — 5 лістапада 1880, Мясата) — польскі літаратуразнаўца, крытык, празаік.
Біяграфія
Нарадзіўся ў Санкт-Пецярбургу. Вучыўся ў Маладзечанскім шляхецкім павятовым вучылішчы і Віленскім універсітэце. У 1829—1838 гг. жыў у Мясаце на Маладзечыншчыне і ў Мінску.
З’яўляўся адным з заснавальнікаў і аўтараў польскамоўнага часопіса «Варшаўская бібліятэка»[ru]. Працаваў выкладчыкам у Варшаўскай галоўнай школе. У 1873 годзе ён быў абраны членам Акадэміі мастацтваў у Кракаве.
Апошнія гады жыцця правёў у Мясаце. Пахаваны ў Радашковічах на каталіцкай частцы могілак.
Творчасць
Аўтар кніг «Пра школы ў польскай паэзіі» (1837), «Даследванні і крытыка» (Т. 1-3, 1854), «Польскія вобразы» (1875), «Гістарычнага нарыса асветы славян» (1841) ды інш.
Творы
- Amerykanka w Polsce (1837; раман)
- Rys historyczny oświecenia Słowian (1841; гістарычная разведка)
- Rozbiory i krytyki (1854, тры тамы; зборнік крытычных работ і рэцэнзій)
- Pierwsze zasady krytyki powszechnej (1871; філасофскі трактат)
- Wizerunki polski (1875; зборнік крытычных работ і рэцэнзій)
- Pisma krytyczne (1904, два тамы; зборнік крытычных работ і рэцэнзій)
Літаратура
- Wielka encyklopedia powszechna. Warszawa: Państwowe wydawnictwo naukowe, 1968, t. 11, s. 760.