Ахім Бранкачк
Ахім Бранкачк (в.-луж.: Achim Brankačk, 21 жніўня 1926, вёска Мерка, каля Радзібора, Германія — 18 лютага 2013, Каменц, Германія) — лужыцкі педагог, музычны крытык, кампазітар і хормайстар, пісьменнік.
Біяграфія
Нарадзіўся 21 жніўня 1926 года ў лужыцкай вёсцы Мерка ў ваколіцах Радзібора. Пасля атрымання сярэдняй адукацыі вывучаў гісторыю і англійскую мову ва Уроцлаве. Потым выкладаў у пашыранай сярэдняй сербскай школе (пазней — Сербская гімназія) у Баўтцэне. Быў шматгадовым дырэктарам 1-й лужыцкай культурнай брыгады. На працягу 47 гадоў узначальваў радзіборскі хор «Meja».
Пахаваны на могілках святога Мікалая ў Будзішыне.
Сачыненні
Напісаў некалькі кніг на музычную тэматыку, а таксама музычныя творы для лужыцкай арганісткі Любіны Голанец-Раўпавай і выканаўцы Бярната Краўца.
- Achim Brankačk: Wuměłča na pišćelach. Wobraz žiwjenja njewšědneje Serbowki a hudźbnicy, Rjad Wobrazki ze Serbow. Bautzen: Domowina-Verlag, 2005. ISBN 3-7420-1990-2.
- Spěwy Korle Awgusta Kocora, Bautzen : Domowina-Verlag, 1998 c, Partitur, 1. nakł.
- Naš towaršny spěwnik, Bautzen : Domowina-Verlag, c 1996, 1. nakł.
- Cantus choralis jubilatio, Bautzen : Domowina-Verlag, [1995]
- Cyrkwinske spěwy, Bautzen : Domowina-Verlag, c 1993, [Partitur], 1. nakł.
- Hodowne spěwy, Bautzen : Domowina-Verlag, c 1992, [Partitur], 1. nakł.
Узнагароды
- Лаўрэат прэміі імя Якуба Чышынскага (1972).
Спасылкі
- Біяграфія(верхнялуж.)
- Бібліяграфія(ням.)