Бен Адзір
Бен Адзір (сапр. імя і прозвішча Аўраам Разін; 26 студзеня 1878, Круча, Магілёўская губерня Расійская імперыя, цяпер Круглянскі раён, Магілёўская вобласць, Беларусь — 14 лістапада 1942, Нью-Ёрк) — пісьменнік і грамадскі дзеяч, адзін з актывістаў руху СЯПП.
Адзін з ініцыятараў стварэння і рэдактараў Яўрэйскай (ідыш) энцыклапедыі (выдавалася з 1936 г.). Напачатку ХХ стагоддзя адзін з лідараў партыі сеймістаў-тэрытарыялістаў, пазней «Фрайланд-лігі».
Бен Адзір — заснавальнік штоквартальнага часопіса «На парозе» (ідыш: אויפן שוועל), які выходзіць у ЗША дагэтуль.