Горавід

Го́равід (Горэвід) — нерасшыфраваны псеўданім беларускага сялянскага паэта другой паловы XIX ст. Біяграфічныя звесткі адсутнічаюць.

Творчасць

Аўтар вершаў «Палякам у дзень 3-га мая» (напісаны ў 1891, апублікаваны ў 1920) і «Я клічу вас…» (апублікаваны ў 1909), у якіх паэт заклікаў беларускі народ абудзіцца ад цяжкага векавога сну, «ланцугі цемрачы парваці», «свядома прышласці дабіцца», вызваліцца ад нацыянальнага і сацыяльнага прыгнёту. Вершы Горавіда — адзін з ранніх прамых зваротаў да беларускай нацыянальнай свядомасці. Паэт верыў, што самасвядомасць і адчуванне ўласнай гісторыі не загінулі ў народзе. У вершы «Палякам» (напісаны ў 1891) Горавід выказаў веру ў рэвалюцыйны саюз народаў. Грамадзянскія ідэалы сялянскага паэта агульнадэмакратычныя, не да канца акрэсленыя. Звароты да гісторыі, выдатная тэхніка верша сведчаць пра высокую культуру аўтара. Вершы Горавіда пашыраліся ў рукапісах, іх абодва разам апублікаваў Р. Зямкевіч у часопісе «Крывіч» (1926—1927, № 12).

Літаратура

• Горавід // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.