Цаа Сюэцынь

Цаа Сюэцынь (сапраўднае імя — Цаа Чжань; каля 1715, Нанкін — 1762, паблізу Пекіна; па інш звестках , 1724—1764) — кітайскі пісьменнік. Аўтар рамана «Запіскі на каменнях» (пазней названага «Сон у чырвоным цераме»). Раман апавядае пра жыццё арыстакратычнай сям’і і пра трагічнае каханне герояў. Яго сюжэт пабудаваны на будыйскай ідэі — жыццё ёсць сон, поўны гора і пакут. Героі Сюэцыня змагаюцца за сваю годнасць. Яго праца была новым этапам у развіцці кітайскага класічнага рамана.