wd wp Пошук:
    ⬜

    Эдуард Марцінавіч Скобелеў

    У Вікіпедыі ёсць артыкулы пра іншых асоб з прозвішчам Скобелеў.

    Эдуард Марцінавіч Скобелеў (8 снежня 1935, Мінск — 15 кастрычніка 2017) — беларускі пісьменнік, грамадскі і палітычны дзеяч. Заслужаны дзеяч культуры Беларусі (1996).

    Біяграфія

    Нарадзіўся ў Мінску ў сям’і ваеннага інжынера-будаўніка. У 1959 годзе скончыў заходні факультэт Маскоўскага дзяржаўнага інстытута міжнародных адносін. Знаходзіўся на дыпламатычнай службе. З 1966 года працаваў у апараце ЦК КПБ. Член Саюза пісьменнікаў СССР з 1970 года. У друку выступаў з 1964 года. Пісаў на рускай мове.

    Пасля абрання прэзідэнтам Беларусі Аляксандра Лукашэнкі стаў яго актыўным прыхільнікам і адным з ініцыятараў аб’яднання беларускіх літаратурных часопісаў «Полымя», «Маладосць», «Нёман», «Крыніца», «Всемирная литература» у адзіны літаратурны холдынг. Галоўны рэдактар часопіса «Інфармацыйны бюлетэнь адміністрацыі прэзідэнта Рэспублікі Беларусь».

    Лаўрэат Дзяржаўнай прэміі Рэспублікі Беларусь у галіне літаратуры, мастацтва і архітэктуры (1998) — за кнігі для дзяцей «Новыя незвычайныя прыгоды Арбузіка і Бябешкі» і «Дзіўныя прыгоды пана Дылі…», апублікаваныя ў 1996 і 1997 гадах. Лаўрэат спецыяльнай прэміі Прэзідэнта Рэспублікі Беларусь (2005)

    Артыкулы

    Літаратура

    Спасылкі

    Тэмы гэтай старонкі: Катэгорыя·Пісьменнікі паводле алфавіта Катэгорыя·Пісьменнікі Беларусі Катэгорыя·Пісьменнікі СССР
    Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.
    Энцыклапедычны партал «Пісьменства беларускве» piśmienstva.viedy.be