Іаакім Вуіч

У Вікіпедыі ёсць артыкулы пра іншых асоб з прозвішчам Вуіч. Іаакім Ву́іч (сербск.: Јоаким Вујић; 9 верасня 1772 — 8 лістапада 1847) — сербскі акцёр, драматург, перакладчык, тэатральны дзеяч.

Кіраваў аматарскімі тэатральнымі калектывамі ў Ваяводзіне і Сербіі, у 1833—1836 гг. княжацкім тэатрам у г. Крагуевац, у 1839 годзе аматарскім тэатрам у г. Нові-Сад, з 1840 у г. Заграб; паклаў пачатак стварэнню нацыянальнага тэатра. Вуіч стварыў тэатральны рэпертуар на роднай мове і выхаваў першых прафесійных сербскіх акцёраў, за што быў названы «бацькам сербскага тэатра». Пакінуў аўтабіяграфію (1833), а таксама шматлікія дзённікі сваіх падарожжаў.

Зноскі

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым. — 480 с. — 10 000 экз. — ISBN 985-11-0090-0 (т. 4), ISBN 985-11-0035-8.

Спасылкі

• На Вікісховішчы ёсць медыяфайлы па тэме Іаакім Вуіч