Абрахам Мошэ Бернштэйн
У Вікіпедыі ёсць артыкулы пра іншых асоб з прозвішчам Бернштэйн. Абрахам Мошэ Бернштэйн (англ.: Abraham Moshe Bernstein; 21 жніўня 1866, в. Шацк, Шацкая воласць, Ігуменскі павет, Мінская губерня, Расійская імперыя — 4 чэрвеня 1932, Вільня, Віленскае ваяводства, Польская Рэспубліка) — кантар, хормайстар, кампазітар яўрэйскай літургічнай і народнай музыкі, педагог, музыказнавец і празаік .
Біяграфія
Быў шостым дзіцём у сям’е. Вучыўся ў яўрэйскай школе. У 1876 годзе памерла маці Бернштэйна.
Быў кантарам і дырыжорам хору у Беластоку . У 1893—1923 кантар сінагогі Тагарас Кадэш у Вільні.
Бернштэйн паклаў на музыку звыш 150 вершаў на іўрыце і ідышы, з якіх найболей вядомыя «Замд унд Штэрн» («Пясок і зоркі») і «Хэмерл» («Малаточак»). Сабраў калекцыю народных мелодый (выдадзены ў складанцы «Музікалішэр Пін-кос», 1927) і кантарскіх песень.
Яго сын, Авіасаф Бернштэйн (Барнеа) (1903–57), быў вядомым ізраільскім кампазітарам.[2]
Зноскі
- ↑ Library of Congress Authorities — Library of Congress. Праверана 16 снежня 2019.
- ↑ https://geoffreyshisler.com/biographies-2/avraham-moshe-bernstein/
Спасылкі
- Бернштейн, Авраам Моше (руск.)
- Avraham Moshe Bernstein (1866—1932) (англ.)
- ABRAHAM MOSHE BERNSTEIN (1866—1932) (англ.)