Анатоль Уладзіміравіч Астапенка

Няма спасылак на крыніцы. Адсутнасць спасылак на крыніцы выклікае недавер да інфармацыі. Калі ласка, калі ведаеце крыніцы змешчанай у артыкуле інфармацыі, пазначце іх.

У Вікіпедыі ёсць артыкулы пра іншых асоб з прозвішчам Астапенка. Анатоль Уладзіміравіч Астапенка (7 жніўня 1947; Псеўданімы: Антон Кулон) — беларускі навуковец, пісьменнік, палітык, публіцыст.

З 1998 г. Анатоль Астапенка — намеснік старшыні Цэнтральнай Рады Беларускай сацыял-дэмакратычнай Грамады (БСДГ).

Біяграфія

Навуковая дзейнасць

Кандыдат фізіка-матэматычных навук. Галіна — квантавая тэорыя поля, фізіка элементарных часцінак. Тэма кандыдацкай дысертацыі «Ферміён-антыферміённае ўраўненне і спектр мас мезонаў» (1986).

У 1999 г. было прысвоена званне дацэнта па спецыяльнасці «Інфарматыка, кіраванне і вылічальная тэхніка».

Палітолаг. Галіна — палітычныя партыі, ідэалогіі, нацыянальная ідэя. Друкаваўся ў незалежных выданнях, у часопісах «Веснік БДУ», «Весці АН РБ», дзяржаўных энцыклапедыях. Выдаў манаграфію «Нацыянальная ідэя ў сучасным свеце» (2003). Доктар навук МАІТ у галіне інфармацыйных тэхналогій (паліталогія). Тэма доктарскай дысертацыі: «Нацыянальная ідэя ў сучасным свеце» (2003).

Аўтар больш за 100 навуковых, навукова-папулярных і метадычных артыкулаў, а таксама вучэбна-метадычнага комплексу «Правовая информатика», 2005, манаграфіі «Нацыянальная ідэя ў сучасным свеце», выд. Мн. «Беларускі кнігазбор», 2004. У 2010 г. у Санкт-Пецербургу ў выдавецтве “Невский простор”у выйшаў фундаметальны твор А. Астапенкі «Игде зродилися иускормлены суть побозе. Дослед беларускага нацыяналізму» (734 стар.).

Палітычная дзейнасць

У 1990—1994 гадах сустаршыня Нацыянальна-дэмакратычнай партыі Беларусі, заснавальнік і старшыня Беларускай нацыянальнай партыі (1994 г. — 1999 г.). Напісаў праграму БНП, дзе ўпершыню нацыяналізм быў адкрыта абвешчаны базавай праграмнай каштоўнасцю, а сфармуляваныя прынцыпы БНП з’явіліся выразам хрысціянска-дэмакратычнай ідэалогіі ва ўмовах Беларусі.

Літаратурная дзейнасць

Друкаваўся ў «ЛІМе», «Маладосці», «Дзеяслове», «ARCHE» і інш. Выдаў кнігу «Паслухайце нацыяналіста» (2000). У 2012 годзе пад псеўданімам Антон Кулон выйшла яго кніга «Сіняя кніга беларускага алкаголіка». Член Саюза беларускіх пісьменнікаў з 2006 года. Аўтар мноства публіцыстычных артыкулаў і нарысаў, публіцыстычных кніг: «Хрысціянства і нацыянальная ідэя», Мн. 1998, «Паслухайце нацыяналіста», выд.: Vilnius, «Rastios Draugija», 2000, «Игде зродилися и ускормлены суть по Бозе», выд. Санкт-Петербург, «Невский простор», 2010. У 2014—2017 гадах у серыі 100 выдатных дзеячоў выйшлі эсэ А.Астапенкі «Мікола Ермаловіч: Той хто вярнуў нам гісторыю». Мікалай Крукоўскі: Бляск і трагедыя філосафа”, «Міхась Стральцоў: Гросмайстар беларускага слова», Ларыса Геніюш: Сумленне і гонар нацыі”, «Уладзімір Конан: Творца беларускай нацыянальнай ідэі».

У 2012 годзе пад псеўданімам Антон Кулон у выдавецтве «Логвінаў» выйшла яго кніга «Сіняя кніга беларускага алкаголіка», напісаная ў жанры non fiction. У 2013 г. на рускай мове выйшла «Синяя книга белорусского алкоголика».

У 2017 г. у выдавецтве «Логвінаў» выйшла кніга прозы А.Астапенкі «Між светам тым і гэтым», у якой аўтар выступае і ў жанры фантастыкі (першае фантастычнае апавяданне «Нэйсі» было надрукавана ў часопісе «Дзеяслоў» у 2016 г.).

Бібліяграфія

• Лекцыі па сістэме праграмавання «TURBO PASCAL 5.5». Вучэбны дапаможнік. — Мінск: Изд. БТИ, 1996. — 65с.
• Правовая информатика. Учебно-методический комплекс. Мінск, 2007. 172 с.
• Методические рекомендации по выполнению контрольной работы по курсу «Эконометрика и экономико-математические методы и модели». ИБМТ БГУ. — Мінск, 2016. — 56 с
• Лабораторный практикум по курсу «Основы информационных технологий и программирования» для специальности 1-26 03 01 «Управление информационными ресурсами». — Мінск, 2016. — 209 стр.
• Хрысціянства і нацыянальная ідэя. — Мінск: Свята-Петра-Паўлаўскі сабор, 1998. — 68 с.
• Паслухайце нацыяналіста. — Vilnius: Rastijos Draugija, 2000. — 176 с.
• Нацыянальная ідэя ў сучасным свеце. Манаграфія. — Мінск: Беларускі кнігазбор, 2004. — 184 с.
• Игде зродилися и ускормлены суть побозе. Дослед беларускага нацыяналізму”. — Санкт-Петербург: Невский простор, 2010. — 734 с.
• Сіняя кніга беларускага алкаголіка. — Мінск: Логвінаў. 2012. — 302 с.
• Синяя книга белорусского алкоголика. — Минск: Харвест. 2013. — 352 с.
• Мікола Ермаловіч: Той хто вярнуў нам гісторыю. — Мінск: Харвест, 2015. — 64 с.
• Мікалай Крукоўскі: Бляск і трагедыя філосафа. — Мінск: Харвест, 2015. — 64 с.
• Міхась Стральцоў: Гросмайстар беларускага слова. — Мінск: Харвест, 2015. — 64 с.
• Ларыса Геніюш: Сумленне і гонар нацыі. — Мінск: Харвест, 2015. — 64 с.
• Між светам тым і гэтым. Апавяданні беларускага алкаголіка. — Мінск: Логвінаў, 2017. — 321 с.
• Уладзімір Конан: Творца беларускай нацыянальнай ідэі. — Мінск: Харвест, 2017. — 64 с.
• Барыс Сачанка: ён шчыра служыў Бацькаўшчыне. — Рыга : Інстытут беларускай гісторыі і культуры, 2018. — 63 с. — (100 выдатных дзеячаў беларускай культуры).

Зноскі

1. 1 2 3 4 5 6 7 Палітычная гісторыя незалежнай Беларусі (да 2006 г.) — Беласток, Вільнюс: Беларускае гістарычнае таварыства, (untranslated), 2011. — вып. 2. — С. 1179. — 1228 с. — ISBN 978-80-86961-16-3