Вікенцій Іосіфавіч Аўдзей
У Вікіпедыі ёсць артыкулы пра іншых асоб з прозвішчам Аўдзей.
Віке́нцій Іо́сіфавіч Аўдзе́й (1886, паводле iншых звестак 1891, вёска Губы Вілейскага павета — 1916) — беларускі драматург, лiтаратар.
Яго п’еса «Не розумам сцяміў, а сэрцам», напiсаная па-руску, надрукаваная ў часопiсе «Крестьянин» у 1909 годзе, была вельмi папулярная сярод сялянства i неаднаразова ставiлася беларускiмi аматарскiмi дружынамi ў вёсках Беларусi[1].
Біяграфія
Закончыў Маладзечанскую настаўніцкую семінарыю (1905), Віленскі настаўніцкі інстытут (1910). Працаваў у гарадскіх вучылішчах Вільні і Вілейкі. Удзельнік Першай сусветнай вайны, скончыў Аляксандраўскае ваеннае вучылішча(руск.) бел., афіцэр расійскай імператарскай арміі[2], загінуў у канцы 1916 года на руска-аўстрыйскім фронце ў Карпатах[3].
Творчасць
Пра пачатак літаратурнай дзейнасці звестак не захавалася. Друкавацца пачаў, калі быў студэнтам настаўніцкага інстытута. У часопісе «Крестьянин» змяшчаў вершы, апавяданні, допісы. У 1909 годзе надрукаваў апавяданне «Пустэльнік у свеце», вытрыманае ў духу рэлігійнага павучання і сацыяльна-бытавую драму «Не розумам сцяміў, а сэрцам», прасякнутаю матывамі грамадскай справядлівасці, спагадай да бедных. П’еса была папулярнай, яе часта ставілі самадзейныя тэатры Заходняй Беларусі.
Ушанаванне памяці
На радзіме, у вёсцы Губы ўсталяваны памятны знак.
Зноскі
- ↑ Слуцкі збройны чын 1920 г. у дакумэнтах і ўспамінах Архівавана 27 верасня 2020. // Бібліятэка часопіса «Беларускі Гістарычны Агляд»
- ↑ Авдей Викентий Осипович (руск.) Офицеры РИА
- ↑ 15 ЗНАМЕНАТЕЛЬНЫХ ДАТ НАШЕГО ГОРОДА И РАЙОНА В ЭТОМ ГОДУ (руск.) // Шлях перамогі
Літаратура
- Памяць. Вілейскі раён. // — Мн.: БелТА., 2003. — 704 с. — (Гісторыка-дакументальныя хронікі гарадоў і раёнаў Беларуі.). — 3000 экз. — ISBN 985-6302-56-0
Спасылкі
На Вікісховішчы ёсць медыяфайлы па тэме Вікенцій Іосіфавіч Аўдзей
