Ганна Рыгораўна Бондарава
У Вікіпедыі ёсць артыкулы пра іншых асоб з прозвішчам Бондарава. Ганна Рыгораўна Бондарава (нар. 10 чэрвеня 1980, Мінск) — беларуская і французская мадэль, актрыса
, спявачка, музыкант і пісьменніца.
Біяграфія
Нарадзілася 10 чэрвеня 1980 года ў Мінску ў сям’і інжынераў. Атрымала сярэднюю адукацыю ў школе-гімназіі з паглыбленым вывучэннем англійскай мовы, а таксама скончыла музычную школу па класе фартэпіяна.
У 1996 годзе на конкурсе «Супермадэль Беларусі» Ганна атрымала тытул «Міс фота», пасля чаго ёй прапанавалі падпісаць кантракт з французскім мадэльным агенцтвам. У Францыі яна зрабіла паспяховую мадэльную кар’еру, працавала ў дамах моды Christian Dior, Chane, Kenzo, Carven, Louis Vuitton, Céline, Cacharel, Issey Miyake, Yves Saint Laurent, Salvatore Ferragamo. Як мадэль з’яўлялася ў часопісах Elle, Vogue, Marie Claire, Cosmopolitan, Madame Figaro; была тварам брэнда Marks & Spencer; удзельнічала ў рэкламныхкампаніях Lancaster, Nina Ricci, Pierre Balmain, Kanebo.[1][2]
У 2009 годзе Ганна стала тварам рэкламнай кампаніі МТС.[3]
У 2002 годзе скончыла Парыжскую кансерваторыю па класе фартэпіяна, затым — Парыжскую акцёрскую школу (клас Раберта Кардзье[fr]).
У Лос-Анджэлесе знялася ў рэкламнай кампаніі «Police» разам з Джорджам Клуні.[4][5]
У 2005 годзе дэбютавалана вялікім экране ў фільме «Райскі бункер» у пары з легендай французскага кінематографа Жан-П’ерам Каселем. У 2006 годзе актрыса сыграла адну з роляў у кінакамедыі «Герой сям’і» французскага рэжысёра Цьеры Кліфа.
Ганна — член саюза кампазітараў Францыі (SACEM). У 2005 годзе лірычная балада Ганны Бондаравай «Свяшчэнная зорка» на рускай мове была ўключана ў зборнік «Лепшы рускі рок у Парыжы». Мастак Сяргей Міхайлавіч Чэпік намаляваў для дыска графічны партрэт Ганны.[6]
У 2005 годзе Ганна з’явілася на вокладцы юбілейнага выдання часопіса «Русская мысль» (Вялікабрытанія) — адзінага нумара, выпушчанага на французскай мове спецыяльна да 125-годдзя.
У 2010 годзе сыграла ў фільме «Брэсцкая крэпасць». Таксама ў 2010 годзе сыграла галоўную ролю ў фільме Касіюса Маціяса «Гэта шчаслівая выпадковасць». У 2011 годзе Ганна знялася ў дэбютнай карціне ірландскага рэжысёра Аляксандры Мак-Гінес «Лотафагі».
У 2012 годзе сыграла галоўную жаночую ролю ў серыяле «Скрасці Бельмандо».[7]
У 2019 годзе Ганна апублікавала свой першы раман «Месяцавы каўчэг». Урывак з кнігі раней быў надрукаваны ў літаратурным альманаху «Из Парижа. Русские страницы». Неўзабаве выйшла другая, аўтабіяграфічная, кніга «Майкінг-оф: Праўдзівыя хронікі»
Фільмаграфія
- 2005 — Райскі бункер[fr] — Марына
- 2006 — Герой сям’і[fr] — Таццяна
- 2010 — Брэсцкая крэпасць — Галіна
- 2010 — Гэта шчаслівая выпадковасць — Лена
- 2011 — Лотафагі[en] — Лоці
- 2012 — Скрасці Бельмандо[ru] — Яна
- 2013 — Тапограф — жанчына
Бібліяграфія
- «Месяцавы каўчэг» (2019)
- «Майкінг-оф: Праўдзівыя хронікі» (2019)
- «Супермадэль назаўжды» (2019)
- «Фрыстайл 4Love» (2019)
Дыскаграфія
Міні-альбомы
- Fearless (2019)
Сінглы
- Blue Jet (2018)
- Célestine (2018)
- The Game (2018)
- Hold on to the Stars (2018)
- L’étoile sacrée (2018)
- Kiss Your Smile (2018)
- Melody of Rain (2018)
- Hair Clip (2018)
- Foreign Affair (2018)
- Kaleidoscope (2019)
- The City (2019)
- Wings of Love (2019)
- Mercy (2019)
- L’aube éternelle (2019)
- Astro Pure (2019)
- Nuits blanches (2019)
- Joy (2019)
- Angel Fever (2019)
- Only Jesus (2019)
Зноскі
- ↑ Татьяна Шахнович Анна Бондарева: «Перед съемками с Джорджем Клуни для меня провели мастер-класс по общению со звездой»(нявызн.). Камсамольская праўда (8 кастрычніка 2009).
- ↑ Минск и Лондон связала красота(нявызн.). Агульнанацыянальнае тэлебачанне (16 ліпеня 2011).
- ↑ Анна Бондарева-актриса в рекламе МТС
- ↑ Rebecca Camber, Barbara Davies Married Reading University fine art professor, 55, LOSES his four-year fight to save his job after tryst with a student half his age - as it’s revealed wife he cheated on is a model, 37, who starred in luxury sunglasses advert with George Clooney(нявызн.). Daily Mail (22 чэрвеня 2018).
- ↑ Jon Rogers Professor loses fight for job after ‘cheating with student on model wife who starred in advert with George Clooney’(нявызн.). The Sun (23 чэрвеня 2018).
- ↑ Meilleur Rock Russe A Paris
- ↑ Юлия Гордиенко Актриса Анна Бондарева: Минск с его количеством девушек на каблуках напоминает курортный городок(нявызн.) (недаступная спасылка). TUT.BY (10 лістапада 2012). Архівавана з першакрыніцы 16 кастрычніка 2019. Праверана 16 кастрычніка 2019.
Спасылкі
- Ганна Бондарава на сайце Fashion Model Directory been
- Ганна Бондарава на сайце «Internet Movie Database» (англ.)
- https://annabondareva.com/ — афіцыйны сайт Ганна Рыгораўна Бондарава
- Ганна Бондарава ў сацыяльнай сетцы «Instagram»