Дар’я Ліс

У Вікіпедыі ёсць артыкулы пра іншых асоб з прозвішчам Ліс. Дар’я Ліс (нар. 6 кастрычніка 1981, в. Залессе, Смаргонскі раён, Гродзенская вобласць) — беларуская паэтэса і празаік, журналістка, фрылансер.

Біяграфія

Скончыла Залескую сярэднюю школу, потым — факультэт беларускай філалогіі і культуры БДПУ імя М. Танка (завочна). Піша прозу і вершы. Друкавалася ў часопісах «Акно», «Верасень», «Дзеяслоў». Напісала эсэ для кнігі Аляксандра Тамковіча «Преодоление».

Член Саюза беларускіх пісьменнікаў. Хварэе на спінальную мышачную атрафію (SMA), з-за чаго з 11 гадоў вымушаная перамяшчацца ў інвалідным вазку[1].

Таксама займаецца грамадскай дзейнасцю ў ГА «Геном» — каардынуе дапамогу дарослым SMA-пацыентам.

Творчасць

• «Вясновы джаз», кнігі вершаў і прозы
• «Пакахайце мяне, калі ласка», калектыўнага зборніка жаночай прозы

Узнагароды

• Прызёрка конкурсу для маладых журналістаў «Твой стыль» (2010 год, Гродна)
• Прызёрка II міжнароднага конкурсу web-журналістыкі «Yousmi Media Awards» (2011, Мінск).
• Лаўрэатка стыпендыі імя Магдалены Радзівіл, якую абвясціў «Саюз беларускіх пісьменнікаў»

Зноскі

1. ↑ Дар’я Ліс: З хваробай трэба навучыцца жыць, Радыё Свабода

Спасылкі

• Дар’я Ліс на сайце Саюза беларускіх пісьменнікаў