Кацярына Уладзіміраўна Ааро
Кацярына Уладзіміраўна Ааро́ (фр.: Hoarau), таксама вядомая як Оаро (нар. 4 верасня 1986, Адэса, УССР, СССР) — беларускі празаік.
Біяграфія
Нарадзілася ў Адэсе, амаль адразу сям’я пераехала ў Ялту, дзе Кацярына пражыла 7 гадоў і пайшла ў школу. У 1993 годзе разам з бацькамі пераехала ў Беларусь, у Івацэвічы Брэсцкай вобласці, дзе скончыла школу і ліцэй.
Вучылася на факультэце журналістыкі БДУ, скончыла літаратурна-філасофскае і журналісцкае аддзяленні Беларускага калегіюма. У 2008—2013 гадах вучылася ў Літаратурным інстытуце імя А. М. Горкага ў Маскве на аддзяленні прозы (майстар — А. Рэкемчук), скончыла з чырвоным дыпломам. Працавала журналісткай у розных выданнях і на радыё, выкладчыцай рускай мовы, літаратуры і мастацкага пісьма. Вяла дзіцячыя творчыя студыі па літаратуры і журналістыцы[1].
З 2013 года жыве ў Лілі на поўначы Францыі.
Творчасць
У 2013 годзе выдала ў серыі «Пункт адліку» СБП дэбютную кнігу «Сарочае радыё. Лісты падзякі»
Прызнанне
- Лаўрэат прэміі «Дэбют» (2014) за кнігу «Сарочае радыё»
- Лонг-ліст Прэміі Ежы Гедройца за 2013 год
Зноскі
- ↑ Кацярына Оаро — gedroyc.by