Людвіг Цік
Людвіг Іаган Цік (ням.: Ludwig Johann Tieck; 31 мая 1773, Берлін — 28 красавіка 1853) — нямецкі пісьменнік, прадстаўнік іенскіх рамантыкаў.
Адукацыя
Вучыўся ва універсітэтах Гале, Эрлангена, Гётынгена (1792—95).
Творчасць
У сентыменталісцкім рамане «Гісторыя спадара Уільяма Ловеля» (1795—96) і інш. адчувальныя ўплывы літаратуры «Буры і націску», англійскага гатычнага рамана. Рамантычны перыяд яго творчасці прадстаўлены «Народнымі казкамі, выдадзенымі Петэрам Лебрэхтам» (т. 1—3, 1797), у якіх выступіў як знаўца чалавечай душы, майстар рамантычнай іроніі. У цэнтры «рамана выхавання» «Вандраванні Франца Штэрнбальда» (1798) праблемы самавызначэння мастака, стасункаў мастацтва і грамадства. У камедыях-казках «Кот у ботах», «Сіняя барада» (абедзве 1797), «Свет навыварат» (1799) і інш. вострая сатыра на феадальныя парадкі, на рамантызм з яго прэтэнзіяй на пераадоленне высокай паэзіяй грубай прозы жыцця. Аўтар зборнікаў «Рамантычныя паэмы» (т. 1—2, 1799—1800), гістарычных аповесцей «Мяцеж у Севенах» (1826) і «Малады сталяр» (1836), рамана «Віторыя Акарамбона» (1840) і інш.
Зноскі
- ↑ Литературная энциклопедия — Коммунистическая академия, Большая российская энциклопедия, Художественная литература, 1929. — Т. 11.
- 1 2 3 Czech National Authority Database Праверана 30 жніўня 2020.
- 1 2 3 group of authors Tieck, Johann Ludwig // Encyclopædia Britannica: a dictionary of arts, sciences, literature and general information / H. Chisholm — 11 — New York, Cambridge, England: University Press, 1911. — Vol. 26. — P. 962.
- 1 2 3 Bernhardi W. Tieck, Ludwig // Allgemeine Deutsche Biographie — L: 1894. — Т. 38. — S. 251–276.
- ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #12989432X // Агульны нарматыўны кантроль — 2012—2016. Праверана 10 снежня 2014.
- ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #12989432X // Агульны нарматыўны кантроль — 2012—2016. Праверана 30 снежня 2014.
- ↑ (unspecified title) Праверана 10 ліпеня 2019.
Літаратура
- Сініла Г. В. Цік // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.