Ліліяна Фёдараўна Анцух

Ліліяна Фёдараўна Анцух (нар. 1950, пас. Лошніца, Мінская вобласць) ― беларуская выдавец, публіцыст. Дырэктар і галоўны рэдактар выдавецтва «Чатыры чвэрці». Член Прэзідыума Саюза пісьменнікаў Беларусі.

Аўтарка кніжных публікацый і публікацый у перыядычным друку, стваральніца выдавецкіх праектаў у галіне нацыянальнай і духоўнай культуры.

Біяграфія

У дзіцячыя гады сям’я Ліліяны з’ехала на цаліну ў Казахстан; праз 15 гадоў пасялілася ў Жодзіна. Пасля школы Ліліяна жыла, вучылася і працавала ў Мінску[1].

Скончыла Мінскі дзяржаўны педагагічны інстытут імя М. Горкага (1974), Маскоўскі інстытут павышэння кваліфікацыі інфармацыйных работнікаў (1979), рэдакцыйна-выдавецкі факультэт Маскоўскага паліграфічнага інстытута (1982).

З’яўлялася загадчыцай дзіцячай бібліятэкі № 5 горада Мінска (1983—1985), загадчыцай аддзела стандартызацыі і інфармацыі кнігавыдавецкай справы Нацыянальнай кніжнай палаты Беларусі (1987—1991), дырэктаркай рэдакцыйна-эканамічнага цэнтра выдавецка-паліграфічнай кампаніі «Эрыдан» (1991—1992), выканаўчай дырэктаркай Беларускага фонду дапамогі развіццю культуры (1992—1993). З 1993 года — па цяперашні час — дырэктарка, галоўная рэдактарка таварыства з дадатковай адказнасцю «Выдавецтва „Чатыры чвэрці“»[2].

Выданні

• «Забашавічы» (2018)
• АРТ-СЕЗОНЫ в Музее В. К. Бялыницкого-Бирули с «Гекльберри» (2018)
• Белорусские сокровища ЮНЕСКО (2018)
• Тебе, Беларусь, посвящается (2018)
• Лошница (2018)
• «Адзін пояс — адзін шлях» у маім сэрцы (2017)
• Мінск — горад майго лёсу (2017)
• Симфония столетий (2017)
• 10 лет. «Белая Русь». Фрунзенская районная организация г. Минска РОО «Белая Русь» (2017)
• 15 лет БРСМ. Фрунзенская районная организация ОО «БРСМ» г. Минска (2017)
• Туровская рапсодия (2017)
• Янка Сіпакоў: «Жыві як хочацца…» (2016)
• Міхась Дрынеўскі: «Песня даўжынёю ў жыццё…» (2016)
• Час i творчасць Льва Бакста (2016)
• Моя судьба — Беларуськалий (2015)
• Елена Бархаткова. Живопись (2015)
• Владимир Напреенко. Альбом (2014)
• Православные святые земли Белорусской (2013)
• Іван Міско (2012)
• Навум Гальпяровіч: На шляху да сябе (2012)

Сям’я

• Сын — Сяргей Валер’евіч Анцух (нар. 1987), камерцыйны дырэктар выдавецтва «Чатыры чвэрці».

Узнагароды

• званне «Чалавек года» ў намінацыі «Духоўнае адраджэнне» за аўтарскі праект «Нашы духоўныя каштоўнасці» (1996);
• срэбраны медаль ВДНГ СССР за актыўны ўдзел у прапагандзе кнігавыдавецкай справы Беларускай ССР;
• медаль «за 2000 гадоў Хрысціянства» (2000);
• Грамата Саюза пісьменнікаў Беларусі (2003);
• лаўрэат Каляднай прэміі «Хрысціянскія традыцыі ў культуры і адукацыі» (2013);
• Грамата Адміністрацыі Савецкага раёна г. Мінска (2013);
• Грамата Міністэрства культуры Рэспублікі Беларусь (2013);
• Ганаровая грамата Саюза пісьменнікаў Беларусі (2013);
• Падзяка Міністэрства інфармацыі Рэспублікі Беларусь (2013, 2016);
• Грамата Патрыяршага Экзарха ўсяе Беларусі (2014);
• Архірэйская грамата епіскапа Барысаўскага і Мар’інагорскага Веніяміна (2016);
• Ганаровая грамата Мінскага гарадскога Савета дэпутатаў (2017)[3];
• Медаль Францыска Скарыны (2017)[4];
• Падзякі Беларускай праваслаўнай царквы;
• Медаль ордэна прападобнай Ефрасінні Полацкай (2018)[5];
• Грамата Міністэрства інфармацыі Рэспублікі Беларусь;
• Грамата Дзяржаўнага камітэта па справах рэлігій і нацыянальнасцей пры Савеце Міністраў Рэспублікі Беларусь.

Зноскі

1. ↑ Книгу о родной деревне Лошнице презентовала издатель Лилиана Анцух Архівавана 27 красавіка 2019.
2. ↑ Состоялась встреча директора издательства Л. Ф. Анцух с Министром культуры Республики Беларусь Б. В. Светловым
3. ↑ Лилиана Анцух удостоена Почетной грамоты Минского городского Совета
4. ↑ Кобяков вручил медаль Франциска Скорины Анцух Лилиане Федоровне
5. ↑ Свидетельство № 5-02/164 от 6 декабря 2018 года

Літаратура

• Лошница // Анцух, Л. Ф. Лошница / Л. Ф. Анцух, А. А. Балябин, М. А. Мательский. — Минск : Четыре четверти, 2018. — 156 с. ил. — (Серия «Малая родина: Борисовский район»). ISBN 978-985-581-181-8