Марцін Вальзер
У Вікіпедыі ёсць артыкулы пра іншых асоб з прозвішчам Вальзер.
Марцін Іаганес Вальзер (Martin Walser; нар. 24 сакавіка 1927, Васербург-на-Бодэн-Зэ, Германія) — нямецкі пісьменнік.
Скончыў Цюбінгенскі ўніверсітэт (1951). Аўтар раманаў «Шлюбы ў Філіпсбургу» (1957), «Палова гульні» (1960), «Адзінарог» (1966), «Па той бок кахання» (1976), «Намаганні душы» (1979), «Прыбой» (1985), «Абарона дзяцінства» (1991), аповесцяў і навел «Хвароба Галістля» (1972), «Лятучы конь» (1978), «Дорле і воўк» (1987), п’ес «Кароткі выезд» (1961) «Дуб і трус» (1962), «Спадар Крот у звышнатуральную велічыню» (1964), «Бойка ў пакоі» (1967) і інш., літаратуразнаўчых прац. Пад уплывам творчасці Б. Брэхта і Ф. Кафкі ў творах у цэнтр увагі ставіць праблему маральных пошукаў, імкнення асобы да самаідэнтыфікацыі ў сучасным свеце. Важнае месца ў раманах і драмах М. І. Вальзера займаюць сацыяльна-крытычныя матывы.
Зноскі
- ↑ Вальзер Мартин // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 27 верасня 2015.
- ↑ Martin Walser // SNAC — 2010. Праверана 9 кастрычніка 2017.
- ↑ Вальзер Мартин // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
- ↑ Lersch E., Viehoff R. Rundfunk, Politik, Literatur. Martin Walsers früher Erfahrungen bei Süddeutschen Rundfunk zwischen 1949 und 1957 // Schriftsteller und Rundfunk / Hrsg.: J. Hucklenbroich, R. Viehoff — Kon: UVK, 2002. — Т. 2. — S. 213–257. — ISBN 978-3-89669-374-7
Літаратура
- Баршчэўскі Л. Вальзер // БЭ ў 18 т. Т. 3. Мн., 1996.