Марыям Сяргееўна Петрасян
У Вікіпедыі ёсць артыкулы пра іншых асоб з прозвішчам Петрасян.
Марыям Сяргееўна Петрасян (арм.: Մարիամ Պետրոսյան; 10 жніўня 1969, Ерэван) — армянская пісьменніца і мастачка, якая піша на рускай мове.
Біяграфія
Нарадзілася 10 жніўня 1969 года ў Ерэване.
У 1988 годзе скончыла мастацкае вучылішча па спецыяльнасці «Мастак-афарміцель». Кар’еру пачала на студыі «Арменфільм», дзе з 1989 года працавала ў аддзеле мультыплікацыі.
У 1992 годзе прыехала з мужам у Маскву і два гады працавала на студыі «Саюзмультфільм». Пасля чаго ў 1995 годзе вярнулася на «Арменфільм», дзе і працавала да 2000 года.
Замужам за Арташэсам Стамбалцянам (1971 г. н.)[2], мае дваіх сыноў — Сяргея (2000 г.н.) і Міхаіла. Праўнучка мастака Марціроса Сар’яна[3].
Творчасць
«Дом, у якім…» — першая кніга пісьменніцы. З моманту пачатку працы над ёй у 1991 годзе, да публікацыі кнігі ў 2009 годзе прайшло каля 18 гадоў. Пра яе загаварылі адразу пасля таго як кніга ўбачыла свет і неўзабаве ў красавіку 2010 года раман прынёс аўтару «Рускую прэмію», галоўную ўзнагароду для рускамоўных пісьменнікаў, якія жывуць за межамі Расіі[4].
Хоць пісьменніца і заяўляла, што новых кніг чакаць ад яе не варта, у 2014 годзе свет убачыла «Казка пра сабаку, якая ўмела лётаць».
Бібліяграфія
- Мариам Петросян. Дом, в котором… — М.: Гаятри/Livebook, 2009. — 960 с. — 5000 (доптиражи: по 5000 в 2010 и 2011 гг.) экз. — ISBN 978-5-9689-0174-3.
- Мариам Петросян. Сказка про собаку, которая умела летать. — АСТ, 2014. — 48 с. — 5000 экз. — ISBN 978-5-17-082880-7.
- Mariam Petrosjan. La casa del tempo sospeso = The house that = Дом, в котором / Traduzione di Emanuela Guercetti. — Milano: Salani, 2011. — 880 с. — (Mondi fantastici Salani). — ISBN 978-8-8625-656-22. Архивная копия от 5 марта 2016 на Wayback Machine
- Mariam Petrosyan. The Gray House / Translated by Yuri Machkasov. — AmazonCrossing, 2017. — ISBN 978-1-5039-4281-3.
Узнагароды
- Вялікая кніга — трэцяе месца ў намінацыі «Прыз глядацкіх сімпатый» (2009).
- Руская прэмія (2009).
- Зорны мост — срэбны кадуцэй ў намінацыі «Дэбютныя кнігі» (2010).
- «Вандроўнік» — пераможца ў намінацыі «Незвычайная ідэя» (2010).
- Партал. Адкрыццё сябе (імя У. І. Саўчанкі).
- Прэмія «Студэнцкі Букер» (2010) за раман «Дом, у якім…».
- Найлепшая кніга года ў намінацыі «Фантастыка / фэнтэзі» французскага часопіса «Lire».
Зноскі
- ↑ Мариам Петросян // Internet Speculative Fiction Database — 1995. Праверана 9 кастрычніка 2017.
- ↑ Заметки к генеалогии рода Агаянов
- ↑ Дом, в котором Мариам Петросян
- ↑ Мариам Петросян: «Новых книг от меня ждать не стоит…» Архівавана 1 лістапада 2012.