Рабер Дуано
_and_André_Kertész_in_1975_b.jpg)
Рабе́р Дуано́ (фр.: Robert Doisneau, 14 красавіка 1912 — 1 красавіка 1994) — французскі фатограф, майстар гуманістычнай французскай фатаграфіі. За сваё доўгае жыццё Рабер Дуано так і не ўпісаўся ні ў адзін са стыляў, не стварыў ніякай творчай школы. Дуано збліжаўся з сюррэалістамі, авангардыстамі, спрабаваў сябе нават у піктарыялізму.
Біяграфія
Я спрабаваў паказаць свет, у якім мне было б добра, дзе людзі прыязныя, дзе я змагу знайсці тыя добрыя пачуцці, да якіх заўсёды імкнуўся. Мае фатаграфіі былі доказам, што такі свет мог бы існаваць.
Нарадзіўся 14 красавіка 1912 года ў Жанційі, прыгарадзе Парыжа. У трынаццаць гадоў, скончыўшы школу, паступіў у мастацка-рамеснае вучылішча, дзе зрабіў самыя першыя крокі ў выяўленчым мастацтве.
У 1929 годзе Дуано зацікавіўся фатаграфіяй, а з 1934-га заняўся ёю прафесійна, працуючы для «Renault» да звальнення ў 1939 годзе.
З гэтага моманту ён вырашыў стаць незалежным фатографам, але яго прызвалі ў французскую армію, дзе ён праслужыў адзін год. Затым, да канца вайны, ён супрацоўнічаў з Рухам супраціўлення. Адначасова, каб зарабляць хоць трохі грошай, ён займаўся вырабам паштовак.
У 1949 годзе Дуано падпісаў кантракт з часопісам Vogue, а ў 1952 годзе пачаў кар’еру незалежнага фатографа.
Пасля Другой сусветнай вайны, нароўні з Эдуарам Буба і Вілі Рані, стаў вядучым майстрам французскай гуманістычнай фатаграфіі.
Памёр Дуано ў Парыжы, 1 красавіка 1994 года.
Выстаўкі
| Арыгінальная назва выстаўкі. Дата і месца | Пераклад на беларускую |
|---|---|
| Doisneau : Paris en liberté (19 кастрычніка 2006 - 17 лютага 2007), Атэль-дэ-Віль | Дуано: свабодны Парыж |
| Doisneau Vintage (15 лістапада 2007 - 15 снежня 2007), Galerie Christophe Gaillard, Paris | Вінтаж Дуано |
| Imprimer pour résister ? (6 кастрычнікa 2008 - 11 лістапада 2008), école Estienne, Парыж | Друкаваць, каб супрацьстаяць? |
| L'Alsace de 1945 par Doisneau (25 лістапада 2008 - 25 студзеня 2009), Filature de Mulhouse | Эльзас у 1945 годзе: бачанне Дуано |
| Robert Doisneau 1945, un voyage en Alsace (28 жніўня 2009 - 27 верасня 2009), Relais Culturel Régional de Thann | Рабер Дуано 1945, падарожжа ў Эльзас |
| Robert Doisneau, Du métier à l'oeuvre (13 студзеня 2010 года - 18 красавіка 2010), Fondation Henri Cartier-Bresson, Парыж | Рабер Дуано: ад рамяства да працы |
| Robert Doisneau, Palm Springs 1960 (1 красавіка 2010 - 1 чэрвеня 2010), Galerie Claude Bernard, Парыж | Рабер Дуано, Палм-Спрынгс 1960 |
| Robert Doisneau, le temps retrouvé (чэрвень 2010 - 30 верасня 2010), la médiathèque, Дзінан | Рабер Дуано: знойдзены час |
| "Robert Doisneau", rétrospective (10 красавіка 2011 - 28 жніўня 2011), château de Malbrouck, Мандеран | "Рабер Дуано", рэтраспектыва |
Зноскі
- ↑ Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
- ↑ Robert Doisneau
- ↑ Library of Congress Authorities — Library of Congress. Праверана 18 верасня 2019.
- ↑ Robert Doisneau // Grove Art Online / J. Turner — [Oxford, England], Houndmills, Basingstoke, England, New York: OUP, 1998. — ISBN 978-1-884446-05-4
- ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118926209 // Агульны нарматыўны кантроль — 2012—2016. Праверана 31 снежня 2014.
Спасылкі
- Персанальны сайт: Біяграфія і галерэя прац
- Рэтраспектыва прац фатографаАрхівавана 18 кастрычніка 2012.
- Гісторыя аднаго здымка