Саша Філіпенка
У Вікіпедыі ёсць артыкулы пра іншых асоб з прозвішчам Філіпенка. Саша Філіпенка (12 ліпеня 1984, Мінск) — беларускі пісьменнік.
Біяграфія
Скончыў ліцэй мастацтваў імя Ахрэмчыка і паступіў у Еўрапейскі гуманітарны ўніверсітэт. Пасля закрыцця ў Мінску ЕГУ пераехаў у Расію, у Санкт-Пецярбург, дзе скончыў філалагічны факультэт СПБГУ, магістратуру. Атрымаў дыплом «Бард Каледжа» ў Нью-Ёрку.
Працаваў сцэнарыстам на расійскім тэлебачанні, быў вядучым тэлеканала «Дождж».
Творчасць
Аўтар рамана «Чырвоны Крыж», які пераведзены на дзясятак моў і які швейцарскае радыё выбрала ў ліку лепшых раманаў года[1].
Лаўрэат «Рускай прэміі» 2014 года, аўтар раманаў «Былы сын», «Задумы», «Цкаванне»[2].
5 студзеня 2021 года нямецкае выданне «Frankfurter Allgemeine Zeitung» апублікавала адкрыты ліст пісьменніка старшыні ІІХФ Рэнэ Фазелю, у якім задае нязручныя пытанні па правядзенні чэмпіянату свету па хакеі з шайбай у Мінску[3][1].
Зноскі
- 1 2 Саша Філіпенка — Рэнэ Фазелу: вы ўжо ўзялі з Лукашэнкам слова, што яго сабакі не будуць забіваць за іншыя сцягі?. Новы Час (5 студзеня 2021). Праверана 24 лютага 2021.
- ↑ Пісьменнік Саша Філіпенка: Бабуля аддала ўсе грошы махлярам, якія сказалі, што я насмерць збіў чалавека
- ↑ Sasha Filipenko «Genügen 450 Folter-Fälle nicht?» (ням.) . Frankfurter Allgemeine Zeitung (5 студзеня 2021). Праверана 5 студзеня 2021.