Саят-Нава
Сая́т-Нава́ (арм.: Սայաթ-Նովա, перс.: سایاتنووا, груз. საიათ-ნოვა; псеўданім Аруцюна Саядзяна, арм.: Հարություն Սայադյան; 1712, Тбілісі — 1795) — армянскі паэт , буйнейшы прадстаўнік свецкай паэзіі позняга сярэдневякоўя.
Біяграфія
Быў прыдворным песняром і музыкантам грузінскага цара Іраклія II. Выгнаны са службы з-за сутычак з вяльможамі, стаў свяшчэннікам, з 1768 манах. Праславіўся як ашуг. Пісаў песні на армянскай, грузінскай і азербайджанскай мовах, у якіх традыцыйная для ўсходняй паэзіі вобразнасць спалучалася з глыбокай эмацыянальнасцю, пратэстам супраць сацыяльнай несправядлівасці. Майстар любоўнай лірыкі («Я хворы каханнем да цябе», «Каманча», «Да салаўя», «Так жыць хачу» і інш.). Забіты ў Тбілісі ў час нашэсця персідскіх войск.
На беларускую мову асобныя яго вершы пераклалі Х. Жычка, Н. Тулупава.
Зноскі
- 1 2 Sayat-Nova // SNAC — 2010. Праверана 9 кастрычніка 2017.
- 1 2 Sayat Nova // Find a Grave — 1995. Праверана 9 кастрычніка 2017.
- ↑ Sayat-Nova // International Music Score Library Project — 2006. Праверана 9 кастрычніка 2017.
- 1 2 Мкрян М. М. Саят-Нова // Краткая литературная энциклопедия — М.: Советская энциклопедия, 1962. — Т. 6. — С. 694–695.
Літаратура
- Казінян А. Саят-Нава // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.