Уладзімір Канстанцінавіч Букоўскі
У Вікіпедыі ёсць артыкулы пра іншых асоб з прозвішчам Букоўскі. Уладзімір Канстанцінавіч Букоўскі (30 снежня 1942, Белябей, Башкірская АССР, СССР — 27 кастрычніка 2019, Кембрыдж, Вялікабрытанія) — савецкі і расійскі праваабаронца, пісьменнік, грамадскі дзеяч, нейрафізіёлаг. Адзін з заснавальнікаў дысідэнцкага руху ў СССР.
Біяграфія
Нарадзіўся ў эвакуацыі ў горадзе Белябей (Башкірская АССР). Сын савецкага пісьменніка і журналіста Канстанціна Букоўскага; выхоўваўся маці. Вучыўся ў Маскве, куды сям’я вярнулася з эвакуацыі.
У агульнай складанасці ў турмах і на прымусовым лячэнні правёў 12 гадоў. У 1976 годзе савецкія ўлады абмянялі Букоўскага на лідара чылійскіх камуністаў Луіса Карвалана.
Жыў у Вялікабрытаніі. У 2007 годзе вылучаўся кандыдатам у прэзідэнты Расіі на выбарах 2008 года, але яго кандыдатура не была зарэгістраваная ЦВК. У 2008 годзе прымаў удзел у арганізацыі Аб’яднага дэмакратычнага руху «Салідарнасць», у 2009 годзе ўвайшоў у склад кіруючага органа руху — Бюро федэральнага палітсавета «Салідарнасці».
Памёр 27 кастрычніка 2019 года ў бальніцы Адэнбрукс у Кембрыджы (Вялікабрытанія) ад прыпынення сэрца.
Зноскі
- ↑ Vladimir Bukovsky // SNAC — 2010. Праверана 9 кастрычніка 2017.
- ↑ Wladimir Bukowski // Discogs — 2000. Праверана 9 кастрычніка 2017.
- ↑ https://www.vladimirbukovsky.com/
- ↑ Vladimir Boukovsky // Babelio — 2007.
- ↑ https://tass.com/society/1085546
Спасылкі
На Вікісховішчы ёсць медыяфайлы па тэме Уладзімір Канстанцінавіч Букоўскі
