Аляксандр Мікалаевіч Алпееў

У Вікіпедыі ёсць артыкулы пра іншых асоб з прозвішчам Алпееў. Аляксандр Мікалаевіч Алпееў (29 кастрычніка 1946, в. Рудня, Жыткавіцкі раён, Гомельская вобласць — 11 кастрычніка 2017[1], Мінск) — беларускі паэт , публіцыст , навуковец, праваслаўны актывіст, генеральны дырэктар МГЭІ[2], адзін з кіраўнікоў ЗАТ «Веды».

Біяграфія

У 1957—1960 гг. — вучоба ў Грэбенскай сельскай школе Жыткавіцкага раёна Гомельскай вобласці. У 1964 г. скончыў сярэднюю школу ў г. Жыткавічы Гомельскай вобласці і пачаў працаваць настаўнікам фізкультуры ў Грэбенскай васьмігадовай школе.

У 1965—1968 гг. — служба ў Савецкай арміі (група савецкіх войскаў у Германіі) у якасці аператара-вылічальніка 3-га дывізіёна 181-й гвардзейскай ракетнай брыгады (г. Ютэборг). У 1968—1973 гг. — вучоба на гістарычным факультэце БДУ.

У 1975—1976 гг. — служба ў Камітэце дзяржаўнай бяспекі Беларускай ССР.

З 1979 г. — вучоба ў аспірантуры БДУ, абарона дысертацыі[3]

У 1973—1980 гг. — выкладчык, у 1980—1993 гг. — дацэнт кафедры гісторыі КПСС гуманітарных факультэтаў БДУ.

11 красавіка 1992 г. быў адным са стваральнікаў і кіраўнікоў Партыі народнай згоды.

У 1994 г. арганізаваў і ўзначаліў Міжнародны гуманітарна-эканамічны інстытут (МГЭІ).

У 1995 г. стварыў грамадскія арганізацыі: Беларускую акадэмію грамадскіх навук[4] (БАГН), Беларускі рух у абарону народа[5] (БРАН) і Беларускі цэнтр падтрымкі хрысціянскай культуры[6][7] (БЦПХК).

У 1996 г. узначаліў рэдакцыйную раду часопіса «Гуманітарна-эканамічны веснік» і быў абраны акадэмікам Міжнароднай кадравай Акадэміі (г. Кіеў).

11 кастрычніка 2017 г. памёр у Мінску[8].

Творы

А. М. Алпееў выдаў шэраг паэтычных і публіцыстычных твораў на рускай і беларускай мовах, якія былі часткова перакладзены на англійскую і іншыя замежныя мовы. На вершы А. Алпеева напісана некалькі песень.

Публіцыстыка

• Мы — народ… XX век [Текст] : ист.-публицист. эссе, стихи / Алпеев А. Н. — 3-е изд., перераб. и доп. — Мн. : ЗАО «Веды», 1999. — 196 с.
• …И не было завтра [Текст] : ист.-публицист. эссе / А. Н. Алпеев. — Мн. : ЗАО «Веды», 2000. — 146 с.
• Земля моя — судьба моя… [Текст] : ист.-публицист. эссе / А. Н. Алпеев; [Предисл. И. Колоса]. — Мн. : ЗАО «Веды», 2002. — 143, [2] с. (ёсць пераклад на англ.)
• Раздумья о судьбах Отечества [Текст] / А. Н. Алпеев; [Авт. вступ. ст. И. Колос]. — Мн. : Веды, 2003. — 326 с.
• На изломе истории [Текст] / А. Н. Алпеев. — Мн. : Веды, 2004. — 156 с.
• Правда жизни. Раздумья о войне через призму времени [Текст] / А. Н. Алпеев // Третье дыхание: литературный альманах. Выпуск LXXVI / Сост. А. Каныкин. — М. : Интер-Весы, 2009. — С. 254—267.
• Я помню жизнь … [Текст] : трилогия. Книга I. Раздумья о судьбах Отечества / А. Н. Алпеев; [Авт. вступ. ст. И. Колос]. — М. : Филиал Военного издательства МО РФ, 2009. — 368 с.
• Земля благословенна / А. Н. Алпеев. — Минск : Белпринт, 2013. — 236 с.
• А. Алпеев. Знания, духовность, профессионализм // СБ-Беларусь сегодня, 15 МАЯ 2008 г.

Паэзія

• Любить — это жить [Текст] / А. Н. Алпеев. — Минск : Гуманитарно-экономический негосударственный институт : ТетраСистемс, 1997. — 40 с.
• В Беларусь я влюблен … : избранное [Текст] / А. Н. Алпеев; [вступительные статьи: Т. М. Алпеева, М. П. Дрынеўскі]. — Минск : В. Хурсик, 2006.- 167 с.
• Святая лазурь: избранное [Текст] /А. Н. Алпеев-Коцубинский.- Минск: «Белпринт», 2011. — 160 с. (ёсць пер. на некалькі еўрапейскіх моў)
• ЖИЗНЬ — ЛЮБОВЬ. LIFE IS LOVE / Александр Алпеев / Alexander Alpeev, Vilnius. UAB «Petro ofsetas», 2012—444 с.
• ЛЮБОВЬ И ВЕЧНОСТЬ. Песни на стихи поэта Александра Алпеева/ Александр Алпеев.- Минск: «Ковчег», нотное издание, 2014—208 с.

Скандал з Уладзімірам Кумцом

Падчас выбарчай кампаніі 2010 года з МГЭІ быў адлічаны студэнт 5 курса Уладзімір Кумец(англ.) бел., які быў супрацоўнікам штаба Уладзіміра Някляева. Паводле Кумца(англ.) бел., яго адзнаку па англійскай мове пераправілі з «9» (выдатна) на «3» (незадавальняюча) і першыя спробы разабрацца з сітуацыяй, якія ўключалі размову Кумца з Алпеевым, скончыліся тым, што Кумца адмовіліся аднавіць у ВНУ. Актывіст дабіўся ўнясення рэктара МГЭІ Тамары Алпеевай у спіс беларускіх чыноўнікаў, якім забаронены ўезд на тэрыторыю ЕС, і распачаў судовае разбіральніцтва з ВНУ. Журналіст «БелГазеты» Максім Івашчанка спрабаваў атрымаць каментарый Алпеева наконт канфлікту, але сустрэцца з ім не атрымалася, нават з боку адміністрацыі МГЭІ былі спробы псіхалагічнага ціску на карэспандэнта, па словах Івашчанка[9]. Пасля візіту Някляева да Алпеева апошні паабяцаў разабрацца з сітуацыяй, і ў выніку Кумец(англ.) бел. быў адноўлены на 5 курсе МГЭІ, а настаўнікі, якія, паводле Алпеева, адмыслова змянілі запіс адзнакі, былі звольнены з МГЭІ[10].

Узнагароды і званні

• Міжнароднай кадравай акадэміяй узнагароджаны залатым медалём за заслугі ў адукацыі (1999)
• ганаровы знак Расійскай акадэміі прыродазнаўчых навук: «За заслугі ў развіцці навукі і эканомікі Расіі» (2005)
• акадэмік Расійскай акадэміі прыродазнаўчых навук (2005)
• Ганаровая грамата Міжнароднага Алімпійскага камітэта (2006)
• ганаровы знак «Георгія Пераможцы» Расійскай акадэміі прыродазнаўчых навук (2007),
• Еўрапейскім цэнтрам навукі і Оксфардскім універсітэтам (Англія) узнагароджаны медалём Сакрата за выдатныя заслугі ў інтэлектуальным развіцці сусветнай супольнасці (2007)
• ганаровы знак «Андрэя Першазванага» Расійскай акадэміі прыродазнаўчых навук (2008)
• Маскоўскай гарадской арганізацыяй саюза пісьменнікаў Расіі узнагароджаны Залатым Ясенінскай медалём за выдатныя дасягненні ў галіне літаратуры і паэзіі (2008).
• сапраўдны ганаровы члена Сусветнай праваслаўнай Духоўнай акадэміі (2008)
• крыж Расійскай акадэміі прыродазнаўчых навук «За заслугі» (2009)
• Усерасійская літаратурная прэмія імя А. С. Грыбаедава (2009)[11].

Зноскі

1. ↑ На 71-м году ушел из жизни Александр Николаевич Алпеев // Сайт МГЭІ
2. ↑ Алпеев Александр Николаевич//Сайт МГЭІ
3. ↑ Алпеев А. Н. Деятельность коммунистической партии Белоруссии по развитию тяжелой промышленности в республике (1966—1970 гг.) автореф. дис. … канд. истор. наук: 07.00.01, Белорусский государственный университет имени В. И. Ленина. Минск, 1979 . — 20 с.
4. ↑ Беларуская акадэмія грамадскіх навук(недаступная спасылка)// сайт NGO.BY
5. ↑ Беларускі рух у абарону народа(недаступная спасылка)// сайт NGO.BY
6. ↑ Беларускі цэнтр падтрымкі хрысціянскай культуры Архівавана 4 красавіка 2017.// сайт NGO.BY
7. ↑ Беларуская акадэмія грамадскіх навук і Беларускі цэнтр падтрымкі хрысціянскай культуры зарэгістраваны па адным адрасе: 220013, г. Мінск, вул. Броўкі, 22-404
8. ↑ На 71-м году ушел из жизни Александр Николаевич Алпеев // Сайт МГЭІ
9. ↑ Максим ИВАЩЕНКО Всем пришёл Кумец// БелГазета № 8 (782) 28 февраля 2011 г.
10. ↑ Зміцер Лукашук Някляеў аднавіў актывіста «Гавары праўду!» у ВНУ(недаступная спасылка) // TUT.BY
11. ↑ Паводле звестак на афіцыйным сайце А. Алпеева:Основные даты жизни и деятельности//Сайт А. М. Алпеева

Літаратура

• Алпееў Аляксандр Мікалаевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — С. 333. — 472 с. — 10 000 экз. — ISBN 985-11-0295-4 (т. 18. Кн. 1), ISBN 985-11-0035-8.
• «Жизнь. Любовь. Отечество : к 60-летию со дня рождения А. Н. Алпеева» / Т. М. Алпеева, В. Г. Ференц, Л. Н. Сечко. — Минск : Веды, 2006. — 270 с. — ISBN 985-450-245-7.

Спасылкі

• Сайт А. М. Алпеева