Вацлаў Бенеш Трэбізскі
Ва́цлаў Бе́неш (псеўданім — Трэ́бізскі) (чэшск.: Václav Beneš Třebízský, 27 лютага 1849, Трэбіз (цяпер раён Кладна, Сярэднячэшскага края Чэшскай Рэспублікі) — 20 чэрвеня 1884, Марыенбад) — чэшскі пісьменнік і каталіцкі святар.
Біяграфія
Нарадзіўся ў сям’і краўца. Вучыўся ў гімназіі ў Сланах і Празе. Затым вывучаў багаслоўе ў Празе. У 1875 быў пасвечаны ў святары. Служыў спачатку ў прыходзе каля г. Бераўн, з 1876 — у Клецанаў каля Прагі.
Захварэў на сухоты, і нягледзячы на неаднаразовыя паездкі на курорты Еўропы, памёр падчас лячэння ў Марыенбадзе ў 1884 годзе. Цела нябожчыка было перавезена ў Прагу і пахавана на Вышаградскіх могілках.
Творчасць
Трэбізскі — раманіст і апавядальнік, поўны любові да народа і ідэалізму. Аўтар твораў з гісторыі Чэхіі. Падобна Алаісу Ірасеку, стварыў шэраг гістарычных раманаў, якія адлюстроўваюць рух гусітаў, перыяд аўстрыйскага валадарства («цемры») і нацыянальнага адраджэння, але таксама апісваў іншыя перыяды чэшскай гісторыі ад ранніх вытокаў дзяржавы да XIX стагоддзя. Дзеянне многіх гістарычных прац Трэбізскага адбываецца ў рэгіёне, дзе нарадзіўся аўтар.
Творы пісьменніка карысталіся вялікай папулярнасцю ў чэшскім грамадстве.
Абраная бібліяграфія
Раманы
- Královna Dagmar (Гісторыя жыцця Дагмар, дачкі караля Отакара I, якая выйшла замуж за дацкага караля Вальдэмара II Пераможнага);
- Anežka Přemyslovna (Гісторыя Багеміі у часы кіравання Вацлава I);
- V podvečer pětilisté růže (Раман з эпохі імператара Рудольфа II пра заняпад славутага графскага сямейства Розенбергаў);
- Bludné duše (Раман пра вялікае паўстанне 1775 года).
Зборнікі гістарычных апавяданняў
- V červáncích kalicha
- V záři kalicha
- Pod doškovými střechami
- Z různých dob
- Ze sázavských letopisů
- Z pověstí karlštejnského havrana
- Pobělohorské elegie
- Povídky starého zbrojnoše a jiné obrázky z naší minulosti
Зноскі
- 1 2 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #129021644 // Агульны нарматыўны кантроль — 2012—2016. Праверана 3 мая 2014.
- 1 2 3 Czech National Authority Database Праверана 23 лістапада 2019.
- 1 2 3 4 The Fine Art Archive — 2003. Праверана 1 красавіка 2021.
- ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #129021644 // Агульны нарматыўны кантроль — 2012—2016. Праверана 31 снежня 2014.
Спасылкі
На Вікісховішчы ёсць медыяфайлы па тэме Вацлаў Бенеш Трэбізскі- Václav Beneš Třebízský(чэшск.)
