Казьма Пражскі
Казьма Пражскі (лац.: Cosmas Pragensis, чэшск.: Kosmas; каля 1045 — 21 кастрычніка 1125, Прага) — першы чэшскі храніст.
Паходзіў са знатнага роду. Атрымаў адукацыю ў Празе і Льежы. У свіце германскага імператара Генрыха IV наведаў Венгрыю, Германію, Італію. З 1110 года — дэкан сабора Св. Віта ў Празе. «Чэшская хроніка» (лац.: Chronica Boëmorum) Казьмы Пражскага (пачата ў 1119-20 гадах) утрымлівае багаты і разнастайны матэрыял і з’яўляецца каштоўнай крыніцай (асабліва 3-я кніга, дзе апісваюцца сучасныя Казьме Пражскаму падзеі 1092—1125) па гісторыі Чэхіі. «Прадаўжальнікі Казьмы» давялі летапіс чэшскай гісторыі да пачатку XIII стагоддзя.
«Чэшскія хронікі» Казьмы нароўні з «Аповесцю мінулых гадоў» Нестара Летапісца і «Хронікай і дзеяннямі князёў ці кіраўнікоў польскіх» Гала Ананіма маюць фундаментальнае значэнне для славянскай культуры.
Публікацыі
- Матвей Пражский. Чешская хроника. — Рязань: Александрия, 2009.
- Выданне Chronica Boëmorum на сайце Monumenta Germaniae Historica, з каментарамі на нямецкай мове
- Біяграфія Казьмы Пражскага Архівавана 13 мая 2008.
Гл. таксама
Зноскі
- ↑ The Fine Art Archive — 2003. Праверана 1 красавіка 2021.
Літаратура
- Třeštik D. Kosmas, 2 vyd., Praha, 1972
- Краткая история Чехословакии. М., 1988