Купала (фільм)

«Купа́ла» (працоўныя назвы «Янка Купала», «Пакуль будзе неба») — беларускі мастацкі фільм пра жыццё і творчасць беларускага класіка Янкі Купалы, які зняты на кінастудыі «Беларусьфільм» пры падтрымцы Міністэрства культуры Рэспублікі Беларусь. Прэм’ера планавалася ў Дзень беларускага кіно — 17 снежня 2019 года,[2][3][4][5] але па прычыне праблем з фінальнай гатоўнасцю спецэфектаў была перанесена на 2020 год.[6][7]

Сюжэт

Гістарычная драма апавядае пра лёс народнага паэта Беларусі Янкі Купалы. У карціне раскрываюцца асноўныя вехі жыццёвага і творчага шляху паэта, якія супалі з найбольш трагічнымі падзеямі XX стагоддзя.

Акцёры

Здымачная група

• рэжысёр — Уладзімір Янкоўскі[be-tarask]
• аператар — Ілля Пугачоў
• сцэнарысты — Аляксандра Барысава, Алена Калюнова
• мастак-пастаноўшчык — Наталля Наваенка
• падбор акцёраў — Інга Муратава
• мастак па касцюмах — Алёна Ігруша
• мастак па грыму — Таццяна Баркун

Стварэнне і пракат

Здымкі адбываліся цягам 2018—2019 гадоў і праходзілі ў Беларусі, Расіі, Літве. У канцы верасня 2019 года фільм быў змантаваны. Над фільмам працавалі расійскія і беларускія аператары. Музыка да фільма была запісана сімфанічным аркестрам. Праца грымёраў выканана па тэхналогіі, якая выкарыстоўвалася ў Маскве на здымках фільма «Высоцкі. Дзякуй, што жывы[ru]». Трэйлер фільма ёсць на англійскай, рускай, беларускай і кітайскай мовах. Афіша распрацоўвалася сумесна з беларускім мастаком і дызайнерам Уладзімірам Цэслерам. Стваральнікі не плануюць адразу пускаць стужку ў шырокі пракат: у дзень прэм’еры фільм будзе прадстаўлены толькі журналістам і кінематаграфічнай грамадскасці. Фільму гатовяць вялікую фестывальную гісторыю. У 2020 годзе кінастужку плануецца прадставіць шырокаму гледачу. Ствараюцца варыянты поўнаметражнага вялікага кіно, а таксама 4-серыйнага тэлевізійнага фільма.

7 верасня 2020 года фільм з’явіўся ў адкрытым доступе ў інтэрнэце ў адным з тэлеграм-каналаў. Генеральны дырэктар «Беларусьфільма» Уладзімір Карачэўскі заявіў, што гэта пірацкая версія фільма і паабяцаў, што з’яўленню дадзенай чарнавой версіі фільма ў сетцы будзе дадзена прававая ацэнка.[8]

Прэм’ерны паказ стужкі прайшоў 14 лістапада 2020 года на пляцоўцы міжнароднага фестываля кіно краін Садружнасці «Маскоўская прэм’ера». Публіцы карціну прадставілі рэжысёр Уладзімір Янкоўскі і члены здымачнай групы.[9] Праз паўгода фільм мусіў дэманстравацца на Еўразійскім кінафестывалі ў Вялікабрытаніі. Напярэдадні паказу яго паглядзела некалькі сяброў журы, але за 2 дні да прэм’еры «Беларусьфільм» адклікаў стужку з фестываля.

Крытыка

11 жніўня 2021 года кандыдат мастацтвазнаўства Зянон Пазняк абнародаваў водгук на фільм, у якім зазначыў: «Гэта адзіны твор, зроблены на кінастудыі “Беларусьфільм”, дзе адлюстраваны праўдзівы беларускі дух, культура, вобразы і дачыненьні між людзьмі».[10]

Зноскі

1. ↑ https://budzma.by/news/kupala-10-pytanniau.html Праверана 28 мая 2021.
2. ↑ Фильм о Янке Купале впервые покажут в День белорусского кино(руск.) , «Нацыянальная бібліятэка Беларусі» (30 Май 2019). Праверана 13 жніўня 2019.
3. ↑ Фильм про Янку Купалу и ещё 5 премьер готовит «Беларусьфильм»(руск.) , СТБ (08.02.2019 - 10:15). Праверана 13 жніўня 2019. Архівавана 10 жніўня 2019.
4. ↑ «Беларусьфильм» выпустил трейлер фильма о Янке Купале(руск.) , СБ. Беларусь сегодня (4 июня 09:20). Праверана 13 жніўня 2019.
5. ↑ Фильм о Янке Купале впервые покажут в День белорусского кино(руск.) , БЕЛТА (28.05.2019 / 13:07). Праверана 13 жніўня 2019.
6. ↑ ПЕПЕЛЯЕВ, Валентин. Режиссер Владимир ЯНКОВСКИЙ рассказал о самой ожидаемой премьере года — национальном кинопроекте «Купала»(руск.) , СБ. Беларусь сегодня (16 декабря 23:59). Праверана 19 снежня 2019.
7. ↑ «Фильм отослали президенту». Лукашенко посмотрит новинку «Беларусьфильма», затем ее покажут зрителям(руск.) , «TUT.BY» (24 снежня 2019). Праверана 1 лютага 2020. Архівавана 1 лютага 2020.
8. ↑ Фильм “Купала” слили в сеть, посмотреть его можно в Telegram (нявызн.), Интерфакс-Запад (07.09.2020 11:31). Праверана 12 кастрычніка 2020. Архівавана 12 кастрычніка 2020.
9. ↑ «Нічога скандальнага мы не ўбачылі», — сусветную прэм’еру «Купалы» ладзяць у Маскве (нявызн.), Наша Ніва (29.10.2020 / 21:08). Праверана 2 лістапада 2020.
10. ↑ Зянон Пазьняк. (нявызн.), «Беларуская салідарнасьць» (11 жніўня 2021). Праверана 15 жніўня 2021.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• В Беларуси снимают фильм о Янке Купале на YouTube
• 10 пытанняў пра беларускі блакбастар «Купала», адказы на якія трэба ведаць на Будзьма беларусамі!