wd wp Пошук:
    ⬜

    Людміла Віктараўна Шчэрба

    У Вікіпедыі ёсць артыкулы пра іншых асоб з прозвішчам Шчэрба.

    Людміла Віктараўна Шчэрба — беларуская пісьменніца. Сябра Саюза беларускіх пісьменнікаў.

    Біяграфія

    Скончыла музычную школу па класе цымбалаў, філалагічны факультэт БДУ і аспірантуру Інстытута літаратуры імя Я. Купалы НАН Беларусі. Была сябрам літаратурнага аб’яднання «Першацвет»[1][2]. Працавала ў часопісе «Першацвет», газеце «Сям’я», літаратурным рэдактарам у «Камсамольскай праўдзе». Працуе ў «Беларускім гістарычным часопісе».

    Творчасць

    Пачала пісаць вершы ў дзяцінстве. Друкавалася ў часопісах «Першацвет», «Маладосць», перыядычным друку, у т.л. газеце «Літаратура і Мастацтва».

    У 2016 годзе на платформе kniharnia.by электроннай кнігай выйшаў поўны варыянт яе рамана «Уладар рыбаў», напісанага яшчэ ў 2002 годзе.[2] У 2017 годзе выйшаў раман «Урб@н.М. Адзін дзень не майго жыцця»[3][4]. У 2020 годзе ў выдавецтве «Кнігазбор» быў выдадзены яе першы зборнік вершаў «Я пакідаю сонца тут…», прэзентацыя якога адбылася ў мінскім культурным хабе «ОК16». Беларускі паэт і журналіст Навум Гальпяровіч, які напісаў прадмову да кнігі, параўнаў тую прэзентацыю з тымі часамі, калі на сустрэчу з паэтамі збіраліся стадыёны[5].

    Удзельнічала у імпрэзах Паэтычнага тэатра «Арт.С»[6], сярод іншага ў яго праекце «Сакральная Беларусь»[7]. Брала ўдзел у перадачах на радыё і тэлебачанні.[2]

    З 9 чэрвеня 2020 года — сябра Саюза беларускіх пісьменнікаў[8].

    Бібліяграфія

    Раманы

    Зборнікі вершаў

    Вершы

    • [вершы] // Верасень № 17, 2017;
    • Сэрца страляе вершам… [вершы] // Літаратура і мастацтва № 16, 19 крас. 2019. — С. 8.

    Прызнанне

    • Шорт-ліст літаратурнай прэміі «Гліняны Вялес — 2017» з раманам «Урб@н.М. Адзін дзень не майго жыцця»

    Зноскі

    1. ↑ Лапіцкая А. Адчуй сябе паэтам! — novychas.by, 31.5.2015
    2. 1 2 3 Молчан Т. «Уладар рыбаў», или Как персонажи шутят над автором(недаступная спасылка) — kp.by, 10.06.2016
    3. ↑ Роман, который разрывает все шаблоны! Не пропустите!(недаступная спасылка) — kp.by, 15.3.2017
    4. ↑ Людміла Шчэрба дэбютуе аўтограф-сесіяй на Менскім кніжным кірмашы — racyja.com, 12.2.2017
    5. ↑ Грушэцкі А.. Я пакідаю сонца тут… (нявызн.). Новы Час (28 лютага 2020). Архівавана з першакрыніцы 2 сакавіка 2020. Праверана 2 сакавіка 2020.
    6. ↑ Сіўчыкаў У. Аксамітны Мятлік у годзе Скарыны — budzma.by, 24.1.2017
    7. ↑ http://art-s.by/default.html
    8. ↑ Прынятыя ў сябры Саюза беларускіх пісьменнікаў (нявызн.). СБП (11 чэрвеня 2020). Архівавана з першакрыніцы 11 чэрвеня 2020. Праверана 11 чэрвеня 2020.

    Літаратура

    Спасылкі

    Тэмы гэтай старонкі: Катэгорыя·Пісьменнікі паводле алфавіта Катэгорыя·Пісьменнікі Беларусі Катэгорыя·Беларускамоўныя пісьменнікі
    Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.
    Энцыклапедычны партал «Пісьменства беларускве» piśmienstva.viedy.be