Мадам дэ Лавернь
Мадáм дэ Лавернь (фр.: Madame de Lauvergne; вядомая як Ленадарыда; 1620 ― 167?) ― французская паэтэса, прадстаўніца прэцыёзнай літаратуры.
Біяграфія
Дзявочае прозвішча ― Ле Ру. Існуе зусім мала інфармацыі пра паэтэсу Ле Ру, якая выдала дыхтоўны зборнік паэзіі пад імем Мадам дэ Лавернь.
«Слоўнік прэцыёзніцаў» (фр.: Le dictionnaire des Précieuses), апублікаваны ў 1660 г., распавядае пра яе: «Ленадарыда (пісьменніцы-прэцыёзніцы пераназывалі сябе імёнамі, запазычанымі з Антычнасці) — удава-прэцыёзніца, ва ўзросце сарака гадоў»; такім чынам, яна павінна была нарадзіцца ў 1620 годзе[4].
Лесбіянка, мадам дэ Лавернь прызналася ў адным з сваіх санетаў у каханні да мадмуазэль Гадфруа ― «Санет да мадмуазэль Гадфруа»[5].
Творчасць
Адзіны зборнік твораў пісьменніцы (выдадзены пасля смерці ў 1680 годзе), які дайшоў да нашага часу, складаецца з элегій, паэмы, мадрыгалаў, празаічных партрэтаў, свайго роду кампазіцый, вельмі модных у той час. Тагачасныя крытыкі адзначаюць «сэнс, правільнасць і густ» аўтара[6].
Творы
- Recueil de poésies; C. Barbin, 1680[7].
Зноскі
- ↑ Dictionnaire des précieuses, de Somaize et Livet ; Hildesheim, 1856
- ↑ Bibliothèque nationale de France Record #13006419j // BnF catalogue général — Paris: BnF.
- ↑ (unspecified title) Праверана 25 жніўня 2022.
- ↑ Dictionnaire des précieuses, de Somaize et Livet; Hildesheim, 1856.
- ↑ Recueil de poésies; C. Barbin, 1680, p. 156.
- ↑ Viollet-le-Duc, Bibliothèque poétique, p. 574.
- ↑ Старонка Gallica, https://gallica.bnf.fr/ark:/12148/bpt6k74569q/f1.item