Мікалай Мікалаевіч Сідарэнка

У Вікіпедыі ёсць артыкулы пра іншых асоб з прозвішчам Сідарэнка. Мікалай Мікалаевіч Сідарэ́нка[1] (руск.: Николай Николаевич Сидоренко; 28 верасня 1905 — 24 снежня 1980) — рускі савецкі паэт і перакладчык.

Біяграфія

Нарадзіўся ў Курску. Скончыў факультэт суднавай механікі Маскоўскага механіка-электратэхнічнага інстытута імя М. В. Ламаносава ў 1931 годзе. Удзельнік Вялікай Айчыннай вайны. Прызваны на службу 27 ліпеня 1941 года, на Ціхаакіянскі флот[2]. Прымаў удзел у баявых дзеяннях у складзе ў Волжскай і Дняпроўскай ваенных флатылій. Працаваў у рэдакцыях газет «Боевая Вахта» Ціхаакіянскага флоту, «Красный Днепровец» Дняпроўскай флатыліі[2]. Пасля дэмабілізацыі ў 1945 годзе працаваў у Літаратурным інстытуце імя М. Горкага ў Маскве[3].

Творчасць

Друкавацца пачаў з сярэдзіны 1920-х гадоў (у 1925 годзе). Аўтар [лірычных](/Лірыка "Лірыка") твораў грамадзянска-патрыятычнай тэматыкі, зборнікаў «Салют» (1926), «Вершы на вахце» (1942) «Незабыўнае» (1959), «Завеі і лебедзі» (1970), «Трыліснік» (1980) і інш. Пераклаў на рускую мову вершы і паэму «[Курган](/Курган_(паэма) "Курган (паэма)")» [Янкі Купалы](/Янка_Купала "Янка Купала"), таксама вершы [А. Куляшова](/Аркадзь_Куляшоў "Аркадзь Куляшоў"), [С. Грахоўскага](/Сяргей_Грахоўскі "Сяргей Грахоўскі"), [К. Кірэенкі](/Кастусь_Кірэенка "Кастусь Кірэенка"), [А. Пысіна](/Аляксей_Васілевіч_Пысін "Аляксей Васілевіч Пысін")[[1]](/Мікалай_Мікалаевіч_Сідарэнка#cite_note-БелЭн—2002——-1).

Узнагароды

• Ордэн Айчыннай вайны II ступені[2]
• Медаль «За перамогу над Германіяй у Вялікай Айчыннай вайне 1941—1945 гг.»[2]

Зноскі

1. 1 2 БелЭн, 2002
2. 1 2 3 4 Музейный комплекс «Дорога памяти» (руск.)
3. ↑ СИДОРЕНКО, Николай Николаевич // Курская энциклопедия (руск.)

Літаратура

• Мішчанчук М. І. Сідарэнка Мікалай Мікалаевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 369. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.

Спасылкі

• Память народа — электронный банк документов периода Великой Отечественной войны Архівавана 19 снежня 2021. (руск.)
• Музейный комплекс «Дорога памяти» (руск.)
• СИДОРЕНКО, Николай Николаевич // Курская энциклопедия (руск.)