Мікола Папека

Міко́ла (Мікала́й Мікала́евіч) Папе́ка (нар. 28 снежня 1961, в. Турная, Івацэвіцкі раён, Брэсцкая вобласць) — беларускі паэт, пчаляр і палітвязень.

Біяграфія

Нарадзіўся 28 снежня 1961 года ў вёсцы Турная Івацэвіцкага раёна Брэсцкай вобласці. Скончыў Аляхновіцкую сярэднюю школу (1979), Смілавіцкі саўгас-тэхнікум (1981, па прафесіі тэхніка-пчаляра), Украінскую сельскагаспадарчую акадэмію ў Кіеве (1981—1986, па спецыяльнасці заатэхніка-пчаляра).

З 1986 года жыве ў вёсцы Лінава Пружанскага раёна. Працаваў пчаляром у лясніцтве, цяпер — на ўласнай гаспадарцы.

Заснавальнік штогадовай літаратурнай «Мядовай прэміі», пераможца якой штогод атрымоўвае пуд мёду. Член Беларускага ПЭН-цэнтра, Саюза беларускіх пісьменнікаў [2].

Сябра Беларускай сацыял-дэмакратычнай партыі (Грамада).

Палітычны пераслед

30 лістапада 2020 года затрыманы па крымінальнай справе за ўдзел у пратэстах супраць фальсіфікацыі прэзідэнцкіх выбараў [3]. 8 чэрвеня 2021 года асуджаны на 2 гады «хіміі» за ўдзел у карагодзе на праезнай частцы ў Брэсце 13 верасня 2020 года[4]. З 13 верасня 2021 года адбывае пакаранне ў папраўчай установе адкрытага тыпу № 21 у Мазыры. 16 верасня 2021 года сумеснай заявай пяццю арганізацый, сярод якіх Праваабарончы цэнтр «Вясна», Беларускі ПЭН-цэнтр, быў прызнаны палітычным зняволеным [5].

Сям’я

Жанаты, з жонкай Святланай (працуе настаўніцай) маюць двух сыноў.

Творчасць

Вершы пачаў складаць у школьным узросце, аднак усе яны былі страчаныя падчас навучання ў тэхнікуме. Друкаваўся ў часопісе «Крыніца», штотыднёвіку «Літаратура і мастацтва», абласной і раённай перыёдыцы.

У 1999 годзе ў серыі «Брэсцкае вогнішча» выйшаў яго першы зборнік вершаў «Чарнавікі…» з прадмовай Міколы Купрэева. За выхад кнігі аўтар выказаў падзяку сваім «двукрылым фундатарам» — пчолам[6]. У 2000 годзе за гэты зборнік Мікола ўзнагароджаны прэміяй «Гліняны Вялес-99».

Бібліяграфія

Мікола Папека. Чарнавікі…. — Брэст: Брэсцкая друкарня, 1999. — 92 с. — (Берасцейскае вогнішча). — 300 экз. — ISBN 985-6413-40-0.
Іван Юльянавіч Здановіч. Рупліўцы беларускага нацыянальнага адраджэння з Пружаншчыны: Грамадска-літаратурны даведнік. — Пружаны: 2003. — 144 с.

Зноскі

↑ (unspecified title) Праверана 2 студзеня 2022.
↑ Архіўная копія(нявызн.) (недаступная спасылка). Члены СБП. Саюз беларускіх пісьменнікаў. Архівавана з першакрыніцы 18 красавіка 2015. Праверана 4 верасня 2012.
↑ Паэт-пчаляр Мікола Папека затрыманы па крымінальнай справе(нявызн.). Беларускае Радыё Рацыя. Праверана 8-6-2021.
↑ У Брэсце вынеслі чарговыя прысуды па «справе карагодаў». Трох палітвязняў вызвалілі ў залі суда(нявызн.). Праваабарончы цэнтр «Вясна» (8 чэрвеня 2021). Праверана 8-6-2021.
↑ Заява праваабарончых арганізацый Беларусі аб прызнанні сямі новых палітвязняў(нявызн.). Праваабарончы цэнтр «Вясна» (16 верасня 2021).
↑ Алесь Аркуш. Пчала ўчапілася ў верас // Наша Ніва. — ліпень 2000.

Літаратура

Здановіч Іван Юльянавіч. Рупліўцы беларускага нацыянальнага адраджэння з Пружаншчыны: Грамадска-літаратурны даведнік. — Пружаны, 2003. — 144 с.

Спасылкі

Тэмы гэтай старонкі:

Катэгорыя·Пісьменнікі паводле алфавіта Катэгорыя·Паэты Беларусі

Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.