Стасін

Стасі́н (стар.-грэч.: Στασῖνος; VIII стагоддзе да н.э. або VII стагоддзе да н.э.) — легендарны грэчаскі паэт з Кіпра, якому прыпісваюць поўнае або частковае аўтарства паэмы «Кіпрыі».

Пра месца нараджэння і жыццё Стасіна нічога невядома. Антычныя аўтары лічылі, што ён быў жанаты на дачцэ Гамера і атрымаў першасны варыянт «Кіпрыій» у якасці пасага. Стасіна цытавалі Платон і Еўтыхій Прокл.