Уолтэр Мэй

Уо́лтэр Мэй (Walter May; 1912, Брайтан[1], Англія[2] — 2006, Масква, Расія[3]) — англійскі паэт, перакладчык на англійскую мову паэзіі і эпасу народаў СССР.

Біяграфія

На працягу свайго жыцця змяніў шмат прафесіяў. На судабудаўнічым заводзе ў Шатландыі працаваў дызайнерам матораў мінаносцаў. Быў настаўнікам у школе. Добра майстраваў. Быў сябрам Камуністычнай партыі Вялікабрытаніі[3]. У канцы 1960-х гадоў пераехаў жыць у Савецкі Саюз, дзе пазнаёміўся са сваёй другой жонкай — паэтэсай Людмілай Серастанавай[4]. У Маскве працаваў рэдактарам-стылістам штотыднёвіка «Moscow News»[1].

Літаратурная творчасць

Вершы пачаў друкаваць у 1950-я гады. Упершыню наведаў Беларусь у 1967 годзе.[5] Першыя пераклады з беларускай мовы апублікаваў у 1968 годзе. Тады ж распачаў працу над перакладам на англійскую мову анталогіі сучаснай беларускай паэзіі «Цудоўны край Беларусі», у якую ўвайшлі творы 59 беларускіх паэтаў[1].

Уолтэр Мэй і Янка Купала

Неаднакротна быў у Мінску і Вязынцы[5].

Пераклаў 90 вершаў Янкі Купалы, сярод якіх «Мужык», «А хто там ідзе?», «Я не для вас…», «Адцвітанне», «За ўсё…», «Беларускім партызанам», «Я мужык-беларус», «Явар і каліна», «Мая навука», «Хлопчык і лётчык».[5]

Прафесійныя адзнакі і ўзнагароды

• Дыплом Камітэту друку СССР (за пераклад твораў А. Пушкіна)
• Вялікі залаты медаль Кыргызстану (за пераклад эпасу «Манас»)
• Залаты медаль імя Ч. Айтматава[3]

Выбраная бібліяграфія

• Цудоўны край Беларусі. Анталогія сучаснай беларускай паэзіі (1976, пераклад на англійскую)
• Я. Купала. Вершы (1982, пераклад на англійскую)
• Я. Купала. Песня сонцу (1982, пераклад на англійскую)
• Я. Колас. На прасторах жыцця (1982, пераклад на англійскую)
• Позняе жніво (1982, пераклад з англійскай на беларускую Р. Барадуліна, А. Вярцінскага, Н. Гілевіча, Г. Тумаса і інш.)[1]
• Бесконечная нить (лирика) (1996)[7]
• Кто были древние бритты? (2001, гістарычныя, геаграфічныя, этнаграфічныя і літаратурныя даследванні)[8]
• Л. Серостанова. Лирическая исповедь (2002, пераклад на англійскую)
• Нартский эпос (2011, пераклад з асецінскай мовы)
• Меридиан Любви (2013, паэтычная білінгва на расійскай і англійскай мовах, разам з Л. Серастанавай)[9]

Зноскі

1. 1 2 3 4 Энцыклапедыя літаратуры і мастацтва Беларусі. Т. 3. — Мн., БелСЭ, 1984. — Артыкул «Мэй Уолтэр». — С. 712.
2. ↑ Паводле іншых звестак (А. Андэр) — у Шатландыі.
3. 1 2 3 А. Андэр Расійскі англічанін(нявызн.). Праверана 8 снежня 2013.(недаступная спасылка)
4. ↑ Ларыса Кузьмінская Связующее слово(нявызн.). Праверана 8 снежня 2013.
5. 1 2 3 Янка Купала: Энцыкл. даведнік. — Мн., БелСЭ, 1986. — Артыкул «Мэй Уолтэр». — С. 412.
6. ↑ Яўген Салаўёў Архіўная копія(нявызн.) (недаступная спасылка). Народная Воля. Архівавана з першакрыніцы 8 красавіка 2016. Праверана 26 чэрвеня 2014.
7. ↑ Бесконечная нить (лирика)(нявызн.). Any Book. Праверана 8 снежня 2013.
8. ↑ Кто были древние бритты? : Ист., геогр., этногр. и лит. исслед.(нявызн.). Any Book. Праверана 8 снежня 2013.
9. ↑ З. Валіева «Нарцкі эпас» будуць чытаць на англійскай мове(нявызн.). Блог Зары Валіевай. Праверана 8 снежня 2013.

Літаратура

• Энцыклапедыя літаратуры і мастацтва Беларусі: У 5-і т.. Т. 3./ Рэдкал.: І. П. Шамякін (гал.рэд.) і інш. — Мн., БелСЭ, 1984. — 751 с, 40 л. іл.; Артыкул «Мэй Уолтэр» / Аўтар — Л. А. Казыра. — С.712.
• Янка Купала: Энцыкл. даведнік / БелСЭ; Рэдкал.: І. П. Шамякін (гал. рэд.) і інш. — Мн., БелСЭ, 1986. — 727 с, 26 л. іл.; Артыкул «Мэй Уолтэр» / Аўтар — Л. А. Казыра. — С.412.
• Гарадзіцкі А. Вачыма сяброў. — Маладосць, 1974, № 4.
• Семяжон Я. Беларуская паэзія ў англійскіх перакладах. — У кн.: Далягляды. — Мн., 1978.

Спасылкі

• Уолтэр Мэй чытае свай пераклады паэзіі С. Ясеніна на сайце YouTube
• Ліст Уолтэра Мэя расійскаму паэту Валянціну Фёдараву на сайце И. Ирвит. Шаг в пространство