Юліян Тувім

Юліян Тувім (польск.: Julian Tuwim; нар. 13 верасня 1894, Лодзь — пам. 27 студзеня 1953, Закапанэ) — польскі паэт , празаік , перакладчык, журналіст.

У 1920 быў сярод сузаснавальнікаў літаратурнай групы «Скамандэр». У 1939—1946 — у эміграцыі (Францыя, ЗША). Аўтар паэтычных зборнікаў «Словы ў крыві» (1926), «Цыганская Біблія» (1933), «Змест у полымі» (1936), «Слапеўні» (1937), паэм «Баль у оперы» (1936), «Польскія кветкі» (1949), шматлікіх вершаў для дзяцей, перакладаў («Слова пра паход Ігараў», творы Арыстафана, А. Пушкіна, А. Рэмбо і інш.)

Беларускія пераклады

Беларускія пераклады

Паэмы «Баль у оперы» і «Польскія кветкі» пераклаў Васіль Сёмуха, асобныя творы перакладалі Анатоль Вялюгін, Юрый Кісялеўскі, Максім Лужанін, Максім Танк, Міхась Шушкевіч[5], Эдзі Агняцвет, Сяргей Дзяргай, Пятрусь Макаль, Уладзімір Мархель, Рыгор Няхай, Язэп Семяжон, Станіслаў Шушкевіч[6], Алег Лойка, Марыя Пушкіна, Андрэй Стэфановіч і іншыя.

• Падарунак дзецям: Вершы / Пер.з пол. А.Вялюгіна, С.Дзергая. — Мн. : Дзяржвыд БССР.Рэд. дзіцячай і юн. літ., 1956. — 62с.
• Польскія кветкі / Пер.,прадм.і заўв. В.Сёмухі. — Мн. : Мастац.літ., 1984. — 270с.,1л.партр.

Зноскі

1. 1 2 Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
2. ↑ Julian Tuwim // Encyclopædia Britannica Праверана 9 кастрычніка 2017.
3. 1 2 3 Тувим Юлиан // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
4. 1 2 (unspecified title) Праверана 8 мая 2021.
5. ↑ Галасы з-за небакраю: анталогія паэзіі свету ў беларускіх перакладах ХХ ст. Склад. М. Скобла. — Мн.: Лімарыус 2008. — 896 с.
6. ↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 16: Трыпалі — Хвіліна. — 576 с. — 10 000 экз. — ISBN 985-11-0263-6 (т. 16), ISBN 985-11-0035-8.

Спасылкі

• Юльян Тувім на сайце «ПрайдзіСвет»